Saturday, August 13, 2022
All the latest schoolboy rugby news, results and stats


Welkom-Gimnasium kampioen op Frankfort

By Hannes Nienaber , in News , at 16 February 2015

NuusG KoffiefonteinWelkom-Gimnasium het met die louere op die Hoërskool Wilgerivier van Frankfort se jaarlikse sewes-toernooi weggestap. Die span van Welkom het HTS Sasolburg in die eindstryd van die toernooi met 24-15 verslaan.

Gimmies se ster was Ezrick Alexander wat verlede jaar een van die Griffons se sterre op die 51ste Cravenweek vir hoërskole in Middelburg (Mpumalanga) was. Alexander is ook welverdiend as die speler van die toernooi aangewys. Hy het verlede jaar nog vir Hentie Cilliers van Virginia gespeel.

Welkom-Gimnasium was na die groepwedstryde die vroeë gunsteling. Die span het vir die Afrikaanse Hoërskool Sasolburg (63-0), Vaalpark Articon (82-0) en Salomon Senekal van Viljoenskroon (65-5) behoorlik verniel. Slegs die gasheer kon in sy nederlaag van 26-14 vir Gimmies enige weerstand bied. Die kampioen het 236 punte in sy vier groepwedstryde aangeteken en slegs 19 afgestaan. Hy het 36 drieë in sy groepwedstryde gedruk.

Wilgerivier het in die Plaat-eindstryd teen Heidelberg Volkskool met 12-7 die knie gebuig. Die gasheer het in sy groep slegs teen Gimmies vasgeval. Hy het in sy ander wedstryde met AHS Sasolburg (12-0), Vaalpark Articon (54-0) en Salomon Senekal (42-5) klaar gespeel.

In die o.16-afdeling van die toernooi was daar geen eindstryd nie. Wilgerivier het hier die kroon gedra na hy Welkom High (50-0), HTS Sasolburg (10-7) en AHS Sasolburg (43-0) getroef het. Dié kampioen se Tat van der Watt is as speler van die toernooi in dié afdeling aangewys.

Die jaarlikse Koffiefontein sewes-toernooi is deur Hoërskool Bultfontein gewen. Bulties het die Hoër Landbouskool Hendrik Potgieter van Reddersburg oortuigend in die eindstryd verslaan. Die gasheer, Hoërskool Koffiefontein het met die louere in die o.16-afdeling weggestap. Bultfontein se GJ van Eeden is met die toekenning as o.19-speler van die toernooi beloon.

Al die uitslae:

Groep A: Welkom-Gimnasium 63, AHS Sasolburg 0; AHS Sasolburg 61, Vaalpark Articon 0; Wilgerivier 12, AHS Sasolburg 0; AHS Sasolburg 17, Salomon Senekal 14; Welkom-Gimnasium 82, Vaalpark Articon 0; Welkom-Gimnasium 26, Wilgerivier 14; Welkom-Gimnasium 65, Salomon Senekal 5; Wilgerivier 54, Vaalpark Articon 0; Salomon Senekal 52, Vaalpark Articon 0; Wilgerivier 42, Salomon Senekal 5.

Groep B: Heidelberg Volkskool 29, Bothaville 12; Bothaville 64, Welkom High 0; HTS Sasolburg 24, Bothaville 24; Welkom-Gimnasium II 21, Bothaville 19; Heidelberg Volskool 61, Welkom High 0; HTS Sasolburg 24, Heidelberg Volkskool 19; Welkom-Gimnasium II 10, Heidelberg Volkskool 0; HTS Sasolburg 57, Welkom High 0; Welkom-Gimnasium II 63, Welkom High 0; HTS Sasolburg 24, Welkom-Gimnasium II 12.

Comments


Leave a Reply


error: Content is protected !!