Saturday, August 13, 2022
All the latest schoolboy rugby news, results and stats


Velties baas in klipharde Klein Interjol

By Hannes Nienaber , in News , at 16 May 2016 Tags: , , , , , ,

NewsG DuineveldDuineveld se eerste rugbyspan het vir die eerste keer in drie jaar rede gehad om fees te vier tydens die Klein Interjol teen die Hoërskool Upington. Velties was met 11-7 in ’n klipharde stryd op Uppies se veld in die jaarlikse Classic Clash baas.

Die twee spanne het gaan rus sonder dat enige span punte kon aanteken. As die twee spanne mekaar pak tel geen van hul vorige wedstryde van die seisoen nie.

Daar was veral ’n hewige stryd om die losbal by die afbreekpunte. Hier het Uppies se flank, Johannes Terblanche, verskeie kere daarin geslaag om omgekeerde besit te bewerkstellig.

Uppies het ook in die eerste helfte meeste van die besit geniet, maar sy losskakel, Ivan Lombaard, kon nie met sy skopskoen sy span voor kry nie.

Vir Velties was die slot Rudolph Oberholster, flank Ruan Visser, agtsteman Johan Geldenhuys en die stut Stefan Hanekom voorlangs ysters in die senutergende kragmeting. Agterlangs kan die senterpaar, Adri du Plessis en Jacques Page, saam met die vleuel Sebastiaan Jobb maar vandag breebors rondloop.

In die Griffon-liga kon nie een van die wedstryde in Welkom weens die hoë reënval plaasvind nie. Die Sandveld-liga se wedstryde het ook uitgereën.

Die twee voorste spanne in die liga, Welkom Gimnasium en Voortrekker van Bethlehem, kon egter op hul goeie vertonings tot dusver voortbou.

Die Trekkers se vleuel, Pieter van Zyl, het drie keer die doellyn in sy span se sege van 71-17 oor Hoërskool Kroonstad oorgesteek. Hy was saam met die losskakel, Louis Viljoen, agterlangs hul span se staatmakers.

Voorlangs het die stut Francois Klopper en die haker, Tiaan van Zyl, blink vertonings gelewer. Blouskool se troepe verdien egter lof vir die veggees wat hulle getoon het deur nooit handdoek in te gooi nie. Bloues se senter Katleho Makoea, die losvoorspelers Eben Bezuidenhout en Piet van der Merwe verdien veral vermelding vir hul veggees.

Welkom Gimnasium het HTS Sasolburg met 60-10 verslaan voor die skeidsregter sake gestop het. Gimmies se agtsteman, Gift Dlamini, het vier van sy span se 12 drieë afgerond. Die span van Welkom het nie een doelskop waargeneem nie.

Hentie Cilliers van Virginia het in Bethlehem teen Witteberg dalk die belangrikste sege van die naweek in die Griffon-liga behaal deur met 31-29 as oorwinnaars van die veld te stap. Henties het teen lemoentyd ’n voorsprong van 24-12 geniet, maar Witteberg het in die tweede helfte verwoed teruggeveg om amper die wedstryd te wen. Wittes het op ’n stadium met 29-26 die voortou geneem.

Vir Henties het sy haker, Morné Mkwayi, stut Winrich Kennedy, slot Damian Karelse en die vleuel Dealin Jafta goed vertoon.

Vir Wittes het die slot Johannes van Graan, flank Louis Oosthuizen en die agtsteman, Cronjé Meiring, voorlangs uitgeblink. Agter was die skakelpaar, Jason Roux en George Spershott, op hul stukke.

Diamantveld van Kimberley het in Pretoria vir Menlopark met 24-3 kaf gedraf.

Puntemakers: 

Voortrekker 71: Drieë: Pieter van Zyl (3), Francois Klopper (2), Wessel van Huysteen, Tiaan van Zyl, Ruan van Niekerk, Sakkie Mollentze, Hennie du Plessis, Louis Viljoen. Doelskoppe: Viljoen (8). Hoërskool Kroonstad 17: Drieë: Hugo Schagen, Katleho Mokoena. Doelskoppe: Theo Roux, Joubert Rossouw. Strafdoel: Roux.

Welkom Gimnasium 60: Drieë: Gift Dlamini (4), Andrew Kota (2), Duke Jantjies (2), Neo Mohapi, Lubabalo Mtyeshi, Virlyn van Vollenhoven, Kwagga van Staden. HTS Sasolburg 10.

Hentie Cilliers 31: Drieë: Daelin Jafta (2), Damian Karelse, Calvin Meyer, Morné Mkwayi. Doelskoppe: Ruben Pretorius (3). Witteberg 29 (12): Drieë: Franco Victor, Cronjé Meiring, PJ Jonker. Doelskop: George Spershott. Strafdoele: Spershott (4).

Hoërskool Reitz 24: Drieë: Janes van Coller (2), Marnus du Plooy. Doelskoppe: Neil van der Merwe (3). Strafdoel: Van der Merwe. Ladybrand 10

Sandveld 49: Drieë: Johan Rall (3), Ettiene Verster (2), Francois van Heerden, David Marais, Christo Reynecke, Lucky Bob. Doelskoppe: Bob, Marais. Lesideng 0.

Hoopstad 57: Drieë: Wayne Vorster (3), Jaco Burger (2), Rénard van Jaarsveld (2), Janus van Deventer (2). Doelskoppe: Burger (6). Welkom Sekondêr 19.

Duineveld 11: Drie: Stefan Hanekom. Strafdoele: Connie Conradie (2). Hoërskool Upington 7: Drie: Janno Lategan. Doelskop: Iwan Lombard.

Diamantveld 24 (7): Drieë: Timothy Harding (2), Jody Schmidt, De-an Ackermann. Doelskoppe: Charles Williams (2). Menlopark 3 (3): Strafdoel: Brian Bouwer.

Comments


Leave a Reply


error: Content is protected !!