Saturday, August 13, 2022
All the latest schoolboy rugby news, results and stats


Tralies maak geskiedenis in Bloem

By Hannes Nienaber , in News , at 16 August 2015

Die Hoërskool Sentraal se rugbyspan van 2015 het gister in ‘n wipplank-eindstryd teen Jim Fouché geskiedenis gemaak toe hy dié eerste eerstespan van sy skool geword het om as kampioen van die Vrystaatse A-liga gekroon te word. Hy het JF met 31-28 op Shimlapark getroef.
Tralies kon nog nooit daarin slaag om as kampioen van dié liga op o.19-vlak gekroon te word nie. Die Blok

ruie was wel in 1991 kampioen van die Vrystaatse Direkteurstrofee, maar Grey-kollege was daardie jaar die Vrystaatse A-liga kampioen.
Tralies se losskakel, Christiaan “Guppie” Geyer, het met enkele minute oor in die kragmeting deur JF se verdediging gedans om die wendrie te gaan druk. JF het met 28-26 voor Geyer se drie voorgeloop.

Op Pirates in Kimberley het Noord-Kaap vir die eerste keer sedert 2008 sy rieme op sy tuisveld styfgeloop. Diamantveld het die ENB Classic Clash tussen die twee spanne met 16-10 gewen. Diamonds was laas in 2007 op Pirates baas, terwyl Landboudal van Jacobsdal aan Northerns hul vorige loesing op diéveld toegedien het.

Die laaste speler van Noord-Kaap wat ‘n rooikaart in die Classic Clash gekry het, was interresant genoeg die losskakel, Tiaan van Wyk, in 2007. Gister het die buitesenter, Zayne Farmer, ook na vuilspel vroeg in die tweede helfte die trekpas gekry. Northerns was toe met 10-7 voor na hy rustyd ‘n voorsprong van 10-0 geniet het.

Diamonds sal volgende Saterdag die gasheer vir Sentraal in die halfeindstryd van die Kovsiestreek-kompetisie se Shimla-liga (vir mediumskole) in die Diamantstad wees.

Vir die eerste keer sedert 1998 het die Griffon-liga se trofee staanplek in Welkom gekry. Welkom-Gimnasium het die Afrikaanse Hoërskool Kroonstad met 20-15 in die eindstryd op die Pelatona-stadion in Welkom verslaan.

Die eindstryd word jaarliks op dié stadion beslis wat voorheen as die Noordwes-stadion bekend gestaan het, maar HTS Welkom was die laaste span vanuit dié dorp wat die kroon kon dra. Die span is destyds deur Gilbert Francke aangevoer, terwyl die losskakel, Louis Strydom, was.

Gimmies se skrumskakel, Richman Gora, het meer as sy span se SA Skole A-span skrumskakel, Jason Olivier, se skoene volgestaan. Hy het sy tweestryd met Rooiskool se skrumskakel en kaptein, Duncan Horak, gewen.

Die span van Welkom sal nou teen Jim Fouché in die halfeindstryd van die Shimla-liga te staan kom.

Kathu het die bordjies in die eindstryd van die Griekwa mediumskole op GWK-park in Kimberley teen die Hoërskool Kalahari van Kuruman verhang. Kathu het die Leeus met 22-15 in die eindstryd verslaan, na die span van Kalahari vir Kathu met 22-19 in hulle jaarlikse interskole geklop het.

Comments


Leave a Reply


error: Content is protected !!