Wednesday, August 10, 2022
All the latest schoolboy rugby news, results and stats


Room van o.13-spelers van Maandag op Wildeklawer in aksie

By Hannes Nienaber , in News , at 24 April 2022 Tags: , , , , , , , , ,

NewsG Worcester Primer skolerugbyVan die land se room op o.13-vlak trek van vandag af in Kimberley saam om van more af aan die Wildeklawer-toernooi deel te neem. 

Die o.13-toernooi word van 25 April tot 27 April op Laerskool Newton in die Diamantstad se hoofveld beslis. In die hoofwedstryd van die eerste dag kom Grey-kollege van Bloemfontein teen Bastion van Brackenfell te staan. 

Die twee spanne om dop te hou tydens die toernooi is sonder twyfel Worcester Primêr en die Laerskool Garsfontein van Pretoria.

Worcester het tot dusver nie vanjaar sy gelyke op die rugbyveld gehad nie. Hy het vroeer tydens Grey se Super Series in Bloemfontein die gasheer met 53-3 kaf gedraf, hy het ook vir Paarl Gimnasium oftewel Klein Gim met 72-0 ‘n drag slae toegedien.

Die span van Worcester kom op die eerste dag teen Van Riebeeckpark van Kempton Park.

Garsfontein het ook vanjaar ‘n bulspan en sal in die eerste wedstryd van vanjaar se toernooi vir Oranje-Noord van Upington die stryd aansê. Die span van Upington het gewoonlik ‘n paar klipharde spelers in sy geledere en dit sal dus nie ‘n maklike wedstryd vir die span van die Jakarandastad wees nie. 

Die gasheer, Newton, sal in sy eerste wedstryd van die toernooi teen Sunridge Primary van Port Elizabeth te staan kom.

Laerskool Rustenburg sal in die vernaamste voorwedstryd teen Laerskool Durbanville kragte meet. Impala van Kempton Park kom op die eerste dag teen die Laerskool Eikestad te staan, terwyl Outeniqua van George wat altyd ook ‘n gedugte span in die veld stoot teen Magalieskruin sal uitdraf. 

Jordania van Bethelehm het ‘n reuse taak wat teen Gene Louw op om hom wag. 

Die bepalings van die tweede en derde dag van die toernooi word na afloop van die voorafgaande dae se spel bepaal. 

Die bepalings: 

17:00 – Grey-kollege vs Bastion
16:00 – Rustenburg vs Durbanville
15:00 – Newton vs Sunridge
14:00 – Van Riebeeckpark vs Worcester Primêr
13:00 – Impala vs Eikestad
12:00 – Magalieskruin vs Outeniqua
11:00 – Jordania vs Gene Louw
10:00 – Garsfontein vs Oranje-Noord

[powr-comments id=”773879d0_1650803961319″]

Comments


Leave a Reply


error: Content is protected !!