Sunday, July 3, 2022
All the latest schoolboy rugby news, results and stats


Preview – Irawa-liga halfeindstryde

By Hannes Nienaber , in News , at 23 August 2013

 

Kovsie-logoIn die Kovsiestreek-kompetisie se Irawa-liga (vir kleinskole) pak verlede jaar se kampioen die Hoërskool Wilgerivier van Frankfort en die naaswenner Zastron mekaar in die een halfeindstryd. Volksblad is ‘n medeborg van die kompetisie.

Zastron het heelwat beserings gedurende die seisoen opgetel met veral die beserings van die senter AJ Goosen en skrumskakel Ruhan Goosen wat groot leemtes gelaat het. Die span het ook sy haker Tumi Slabbert verloor wat na Grey-kollege geskuif het. Wilgerivier het die kern van sy span behou wat verlede jaar as kampioen van die liga gekroon is. AJ Goosen is Zastron se hoofseun en was verlede jaar die voorste driedrukker op skolevlak in die land. Zastron het vanjaar al vir Louis Botha en Hentie Cilliers met hulle volsterkte span die skrik op die lyf gejaag.

Die span skrumskakel Gerhard van Rensburg beskik waarskynlik oor die suiwerste aangee van enige skoleskrumskakel in die sentrale streek. Sy tweelingbroer, Jacques van Rensburg draf op buitesenter vir die span van Frankfort uit. Albei was verlede jaar ook lede van die seëvierende span wat Zastron 15-11 in die eindstryd getroef het.

Zastron sal more sterk op die skopskoen van sy losskakel Nakkie Naudé steun. Die span se twee gevaarmanne op die aanval agterlangs is die heelagter Stephan Nel en senter Henri Roodt. Voorlangs sal Wilgerivier die flank Rikus Smit en haker Wayne Slabbert in toom moet hou.

Een van die grensregters in die halfeindstryd, Drikus Kotze was die Hoërskool Staatspresident Swart van Brandfort se senter toe die span in 2007 die eerste kampioen van die Irawa-liga geword het deur Wilgerivier te klop. 
Landboudal van Jacobsdal sal as gunsteling teen Hoërskool Bothaville op GWK-park uitdraf. Lanties het laas in 2008 toe hy nog in die Shimla-liga (vir mediumskole) gespeel het tot die kompetisie se halfeindstryde deurgedring. Die span van net buite Jacobsdal het 127 seuns wat rugby speel volgens die span se breier Cassie Carstens. Die ander skole in dié liga het soortgelyke getalle. Wilgerivier (108 seuns), Bothaville (140) en Zastron (110) het almal slegs vier spanne in die skool.

Albei spanne het ‘n Cravenweek-speler, Wessel Hefer (Bothaville) en Kat Mabaleng (Lanties) in hulle geledere. Carstens was ook Griekwas se breier op die 50ste Coca-Cola Cravenweek vir hoërskole in Polokwane. Die manne van Wilgerivier sal ook Lanties se senter Erick Reynecke ken wat ook al vir die Afrikaanse Hoërskool Kroonstad se eerste span uitgedraf het.

Lanties het onlangs ‘n indrukwekkende sege van 21-19 oor Jim Fouché behaal. JF het teen Louis Botha in die Vrystaatse A1-liga eindstryd (30-18) die knie gebuig. Jim Fouché het ook vroeër vanjaar vir Kemptonpark 30-20 getroef. Kemptonpark speel more in die eindstryd van die Beeld-trofee (vir Makroskole) teen EG Jansen van Boksburg. 

Die spanne is:

Landboudal vs. Bothaville om 11:20 op GWK-park:

Landboudal: 15 Morris Rossouw, 14 Kat Mabaleng, 13 Petrie Fourie, 12 Erick Reynecke, 11 JD Mans, 10 Guillaume Oberholster, 9 Conrad du Toit, 8 Henroux Benadé, 7 Zak van Vuuren, 6 Danie du Toit, 5 Morné Kleynhans, 4 Adriaan Brits, 3 Francois Jacobs, 2 Christo Bothma, 1 Guan Botha.

Bothaville: 15 WJ Crous, 14 Armand van der Merwe, 13 Wessel Hefer, 12 Heinrich Hoops, 11 Francois Jonker, 10 Juandré Kleynhans, 9 Sakkie Wessels, 8 Sakkie Bester, 7 Ayrton Veira, 6 Wikus Louwrens, 5 JJ Botha, 4 Dylan Vermaak, 3 Armand van Wyk, 2 Jan Bothma, 1 Donovan van Wyk.

Skeidsregter: Marlize Jordaan (Vrystaat)

Zastron vs. Wilgerivier om 11:20 op Louis Botha:

Zastron: 15 Stephan Nel, 14 Marco Swanepoel, 13 Christiaan Strauss, 12 Henri Roodt, 11 Tsepo Kente, 10 Nicholas Naudé, 9 Jason Scorgie, 8 Peter MacKay, 7 Rikus Smit, 6 Derik Senekal, 5 Johan Nel, 4 Stefan Greyling, 3 Ivan van Breda Bothma, 2 Wayne Slabbert, 1 Coenraad de Bruyn.

Wilgerivier: 15 Willem Coetzee, 14 Brian Piek, 13 Jacques van Rensburg, 12 SF Meyer, 11 Ricardo Frade, 10 Pieter Duminy, 9 Gerhard van Rensburg, 8 De Wet Ungerer, 7 Gerrie Muller, 6 Manie Swart, 5 Eric Bibbey, 4 MJ Lourens, 3 Dana Janse van Rensburg, 2 Fanna Venter, 1 Guillaume Strydom.

Skeidsregter: Jeffrey van Rooyen (Griekwas)
Grensregters: Phillip van Sittert (Griekwas) en Drikus Kotze (Vrystaat) 

 

Comments


Leave a Reply


error: Content is protected !!