Wednesday, August 10, 2022
All the latest schoolboy rugby news, results and stats


Pionier en Bekker deel louere in NWU-Pukke 16-reeks

By Hannes Nienaber , in News , at 23 April 2017

NewsG PionierkampDaar is vanjaar nie net ‘n nuwe kampioen in die NWU-Pukke 16-reeks gekroon nie, daar is twee nuwe kampioene gekroon na Bekker van Magaliesburg en Pionier van Vryheid met 17-elk gelykop in die eindstryd gespeel het.

Pionier se losskakel, Christiaan Zietsman, het na die sirene reeds geloei het ‘n strafdoel oorgeklits om sake gelyk te trek. Hy is ook na afloop van die wedstryd op die Fanie du Toit-veld in Potchefstroom as die Speler van die Wedstryd aangewys. Bekker se slot FC Claassen het die toekenning met Zietsman gedeel.

Pionier het die wedstryd goed begin en twee verdoelde drieë deur die die slot Divan Bezuidenhout en vleuel Eric Louw het aan die span ‘n voorsprong van 14-0 gegee. Bekker het nie gaan lê nie en ongeveer 15 minute voor die eindfluitjie die eerste keer sy rekening geopen. Slegs twee minute voor die eindfluitjie het Bekker vir die eerste keer met 17-14 die voortou geneem.

Die span van Magaliesburg se losskakel, Ernst Louw, het self ‘n skitterende vertoning gelewer. Louw het met sy skerp breekslae twee keer die doellyn oorgesteek. Hy het ook in die tweede helfte goed takties geskop en Pionier in sy eie halfgebied vasgedruk.

Bekker se kantman Brennie Grobler was ‘n yster op verdediging en het ‘n paar manne hard met moeder aarde laat kennis maak. Hy het ook ‘n hele paar keer omgekeerde besit by die afbreekpunte bewerkstellig.NewsG Bekker

Bekker het ook ‘n stutfaktor gehad met sy drie voorrymanne André van der Merwe, Arno van Staden en Bernard Erasmus wat ook goeie spel gelewer het.
Pionier se Bezuidenhout het in die vastelos ingeklim en is moeilik grond toe gebring wanneer hy in besit gestel is.

Verlede jaar se kampioen, die Hoërskool Vryburg, moes met die derde plek tevrede wees na hy vir Pretoria-Noord met 28-7 verslaan het.

Pionier het in die o.16-afdeling koning gekraai deur Overvaal van Vereeniging met 31-24 in die eindstryd te verslaan.

In die o.15-eindstryd het Piet Retief met die louere weggestap na hy vir Leeuwenhoff met 43-5 in die eindstryd kaf gedraf het.

In die o.14-afdeling het Leeuwenhoff die septer geswaai. Die span het Stoffberg van Brakpan in die eindstryd met 45-24 afgestof.

Puntemakers:

Pionier 17 – Drieë: Divan Bezuidenhout, Eric Louw. Doelskoppe: Christiaan Zietsman (2). Strafdoel: Zietsman. Bekker 17 – Drieë: Ernst Louw (2), Bernard Erasmus. Doelskop: Louw.

Vryburg 28 – Drieë: MC Janse van Rensburg (2), Shaun Muller, RA Pretorius. Doelskoppe: Leonard Grobbelaar (4). Pretoria-Noord 7.

Wolmaransstad 19 – Drieë: Johnre van Wyk, Pieter Visser, Joshua Appelgryn. Doelskoppe: TC Pretorius. Ferrum 48

Piet Retief 52 – Drieë: Bongumenzi Dlamini (3), Lindelani Makhanya, Samkelo Ndlovu, Sphe Mthethwa, Mthobisi Johnson, Nkosinathi Mthethwa. Doelskoppe: Alwande Sangweni (6). Leeuwenhoff 13.

Volksrust 15 – Drieë: Hennis Hattingh, Michael Vos. Doelskop: Tiaan Els. Strafdoel: Els. Leeuwenhoff 13

Ander uitslae:

Eerstespanne: Fochville 22, Stoffberg 19; Ferrum 48, Wolmaransstad 19; Piet Retief 52, Overvaal 12; Volksrust 15, Leeuwenhoff 13; Delmas 24, Schoonspruit 19; Alberton High 24, Oosterland 22.

o.16: Pionier 31, Overvaal 24; Pretoria-Noord 65, Wolmaransstad 38; Piet Retief 20, Leeuwenhoff 14; Ferrum 26, Schoonspruit 17; Fochville 38, Oosterland 19; Stoffberg 22, Bekker 10; Vryburg 26, Volksrust 24; Alberton High 38, Delmas 15.

o.15: Piet Retief 43, Leeuwenhoff 5; Pretoria-Noord 12, Fochville 5; Volksrust 27, Vryburg 13; Oosterland 19, Bekker 10; Wolmaransstad 31, Pionier 10; Alberton High 31, Stoffberg 19; Delmas 24, Overvaal 22; Ferrum 41, Schoonspruit 12.

o.14: Leeuwenhoff 45, Stoffberg 24; Piet Retief 15, Fochville 10; Ferrum 17, Vryburg 14; Oosterland 15, Bekker 10; Alberton High 24, Delmas 15; Volksrust 24, Schoonspruit 5; Pretoria-Noord 20, Wolmaransstad 12; Pionier 31, Overvaal 5.

Comments


Leave a Reply


error: Content is protected !!