Thursday, August 18, 2022
All the latest schoolboy rugby news, results and stats


Paul Roos Gimnasium – 1999

By Hannes Nienaber , in Results , at 15 May 2015

Results 

Paul Roos Gimnasium 40,  SACS 8
Paul Roos Gimnasium 28,  Paarl Boys’ High 13
Paul Roos Gimnasium 15,  Paarl Gimnasium 13
Paul Roos Gimnasium 20,  Diocesan College 10

Players: Schalk Brits, 

 

 

Saks (3) 8, Paul Roos (26) 40: Paul Roos het die Nuwelandse span heeltemal oordonder.

Met dié dat die besoekers in alle afdelings die botoon gevoer het, was Saks net nie by magte om al die gate toe te stop nie.

Vir Paul Roos is die drieë ingeryg deur Krige (senter, 2), Bergh (losskakel, 2), Brits (haker) en Van der Merwe (vleuel). Vyf van dié drieë is gedoel deur Albertyn (heelagter). Vir Saks het Ince (haker) oorgeval vir ‘n drie en Smit (vleuel) was met ‘n strafskop suksesvol.

 

Paul Roos (8) 20, Biskoppe (5) 10: Terwyl die twee pakke voorspelers goed opgeweeg het, was dit die vaart en vaardighede van Paul Roos se agterspelers wat Biskoppe met ‘n les of twee terug huiswaarts laat keer het. Die Stellenbossers het nie net goed verdedig nie, maar het ook met mooi teenaanvalle die wind uit die seile van Biskoppe gehaal.

Krige (senter, 2) en Van der Spuy (vleuel) was Paul Roos se driedrukkers, met ‘n doelskop en ‘n strafdoel deur Albertyn (heelagter). Vir die besoekers het Battle (vleuel) twee keer die doellyn oorgesteek.

 

 

aul Roos (7) 15, Paarl Gim (5) 13: Dit was beslis nie die skuld van Paarl Gim se voorspelers dat die besoekers nie die pyp gerook het nie. Die Gimmies se goeie werk voorlangs is egter ongedaan gemaak deur hul agterspelers wat telkens verkeerde opsies uitgeoefen het, en hulle boonop teen Paul Roos se puik verdediging vasgeloop het.

Die wedstryd het drie duidelik afgebakende fases getoon. Nadat die tuisspan ‘n vroeë houvas bekom het, het die Paarliete vir minstens die middelste 30 minute die botoon gevoer totdat Paul Roos teen die einde weer sy stempel afgedruk het.

Immelman (flank) en Van der Spuy (vleuel) was Paul Roos se driedrukkers terwyl Albertyn (heelagter) met ‘n doelskop en ‘n skepskop suksesvol was. De Waal (heelagter) het twee drieë vir die besoekers gedruk en Hugo (vleuel) het ‘n strafdoel bygevoeg.

 

 

HJS Paarl (3) 13, Paul Roos (6) 28: ‘n Groter mate van goeie balbesit, asook meer ondernemingsgees in die agterlyn, het grootliks bygedra tot Paul Roos se oortuigende sege. Daar was gans te veel openinge in HJS Paarl se verdedigingslinie.

Roux (senter, 2), Immelman (flank) en Krige (vleuel) het bewegings van Paul Roos afgerond. Albertyn (heelagter) het met ‘n doelskop en twee strafskoppe geslaag. Smit (agtsteman) se drie vir die tuisspan is verdoel deur Kotzé (losskakel), wat ook twee strafdoele behaal het.

 

Comments


Leave a Reply


error: Content is protected !!