Saturday, August 13, 2022
All the latest schoolboy rugby news, results and stats


Paarl Interskole skuif dalk in 2022 na Stellenbosch

By Hannes Nienaber , in News , at 5 December 2021 Tags: , , , , , , , , ,

Paarl InterskoleDie grootste interskole ter wêreld, die Paarlse Interskole, gaan moontlik volgende jaar in Stellenbosch aangebied word. 

Hoewel daar nog baie water in die see moet loop voor 13 Augustus 2022 wanneer die interskole-kragmeting tussen Paarl Gimnasium en die Hoër Jongenskool Paarl moet plaasvind, ondersoek die betrokke partye alternatiewe opsies indien die interskole nie in die Paarl kan plaasvind nie.

Die Faurestraat-stadion in die Paarl is reeds vir die jaarlikse interskole tussen Klein Nederburg en New Orleans vir dié datum bespreek. Albei die interskoles sorg jaarliks dat dié stadion volgepak word. 

Daar is Vrydag glo ‘n besluit geneem om indien die interskole-wedstryd tussen Gimmies en Boishaai nie in die Paarl kan plaasvind nie, dat dit in die Danie Craven-stadion in die Eikestad gehou sal word. 

Hopelik kan die Paarl se stadsraad en die betrokke partye ‘n oplossing vind sodat dié interskole steeds in die dorp aangebied kan word. Dit is sonder twyfel een van die grootste gebeurtenisse asook finansiële inspuitings jaarliks vir die Bolandse dorp.

Indien daar nie ‘n oplossing gevind word nie, sal die Paarlse Interskole vir die eerste keer sedert sy onstaan van 106 jaar gelede nie in die Paarl plaasvind nie. Die interskole kon die afgelope twee jaar nie weens die inperkings van die Coronavirus-pandemie plaasvind nie.  

[powr-comments id=”28980bef_1638690510336″]

Comments


Leave a Reply


error: Content is protected !!