Thursday, August 18, 2022
All the latest schoolboy rugby news, results and stats


Michaelhouse meeste verteenwoordigers in Curriebeker-eindstryd

By Hannes Nienaber , in News , at 24 October 2014

 

Michaelhouse in die KwaZulu-Natalse Middellande sal met vyf spelers die meeste verteenwoordiging op die veld in die eindstryd van vanjaar se Curriebeker-reeks op Nuweland in Kaapstad hê. Dié eindstryd tussen die Westelike Provinsie en die Goue Leeus skop om 16:30 in die Moederstad af. 

Michaelhouse se vyf spelers wat betrokke in die eindstryd sal wees is Michael Rhodes, Pat Cilliers (vir WP) en Ruan Combrinck, Ross Cronjé en Mark Richards (vir die Leeus). Dié skool het in 2010 sy eerste Springbok-speler in Pat Lambie opgelewer. Cilliers het daarna ook sy Springbok-kleure verwerf. 

Monument van Krugersdorp het vier spelers – Jaco van der Walt, Ruan Dreyer, Julian Redelinghuys (almal Leeus) en Jaco Taute (WP) – wat in die eindstryd betrokke sal wees. Nog vyf skole – Grey-kollege van Bloemfontein, Paarl Gimnasium, Hoërskool Brackenfell, Hoërskool Standerton en Diocesan-kollege oftewel Bishops het elk twee voormalige leerlinge wat op Nuweland sal uitdraf.

Die twee spelers van die Hoërskool Brackenfell, Cheslin Kolbe en Courtnall Skosan, ken mekaar van skool af. Skosan was Brakkies se kaptein in 2009, terwyl Kolbe sy skool se held twee jaar later was. Die Leeus se stut, Schalk “Hond” van der Merwe het aan Grey-kollege gematrikuleer, maar daar moet ook genoem word dat hy ook vir Duineveld van Upington se eerstespan in sy skoolloopbaan uitgedraf het. Die ander speler van Grey betrokke in die eindstryd is Michael van der Spuy. Hy het nooit vir sy skoolspan se eerstespan uitgedraf nie. 

Vanjaar is uit-en-uit ‘n eindstryd vir die kleiner skole. Hoërskool Standerton se Jaco Kriel en Howard Mnisi het in dieselfde eerstespan gespeel, waarvan die OP Kings se losskakel, Gary van Aswegen ook ‘n lid was. 

Die spanne (en die spelers se skole): 

Westelike Provinsie: 15 Cheslin Kolbe (Brackenfell), 14 Kobus van Wyk (Paarl Gimnasium), 13 Juan de Jongh (Hugenote), 12 Jaco Taute (Monument), 11 Seabelo Senatla (Riebeeckstad), 10 Demetri Catrakilis (St. John-kollege), 9 Nick Groom (Rondebosch Boys’ High), 8 Nizaam Carr (Bishops), 7 Michael Rhodes (Michaelhouse), 6 Rynhardt Elstadt (Montagu), 5 Manual Carizza, 4 Jean Kleyn (Linden), 3 Pat Cilliers (Michaelhouse), 2 Scara Ntubeni (King Edward VII), 1 Alistair Vermaak (Harmony Sportsakademie). Plaasvervangers: 16 Neil Rautenbach (Hoër Jongenskool Paarl), 17 Brok Harris (Bastion), 18 Gerbrandt Grobler (Affies), 19 Sikhumbuzo Notshe (Wynberg Boys’ High), 20 Louis Schreuder (Paarl Gimnasium), 21 Kurt Coleman (Grey PE), 22 Michael Van der Spuy (Grey-kollege).

Goue Leeus: 15 Jaco van der Walt (Monument), 14 Ruan Combrinck (Michaelhouse), 13 Lionel Mapoe (Fichardtpark), 12 Howard Mnisi (Standerton), 11 Courtnall Skosan (Brackenfell), 10 Marnitz Boshoff (Nelspruit), 9 Ross Cronje (Michaelhouse), 8 Warren Whiteley (Glenwood), 7 Derick Minnie (Marais Viljoen), 6 Jaco Kriel (Standerton), 5 Franco Mostert (Brits), 4 Martin Muller (Bishops) 3 Ruan Dreyer (Monument), 2 Robbie Coetzee (Eldoraigne), 1 Schalk van der Merwe (Grey-kollege/Duineveld). Plaasvervangers: 16 Armand van der Merwe (Outeniqua), 17 Jacques van Rooyen (Pretoria-Noord), 18 Julian Redelinghuys (Monument), 19 Willie Britz (Diamantveld), 20 Warwick Tecklenburg (Uplands College), 21 Mark Richards (Michaelhouse), 22 Harold Vorster (Frans du Toit). 

 

Comments


Leave a Reply


error: Content is protected !!