Sunday, July 3, 2022
All the latest schoolboy rugby news, results and stats


Landboudal se seisoen begin ritme optel

By Hannes Nienaber , in News , at 27 May 2013 Tags: , , , , , , , , ,

DIE eerste rugbyspan van Landboudal net buite Jacobsdal is besig goeie ritme op te bou. Die span het op sy tuisveld, Landboupark vir Hoërskool Kathu 73-10 afgeslag. Lanties het ook in sy vorige wedstryd teen Fichardtpark gewys dat sy seisoen besig is om momentum op te bou.

Die span se veelsydige agterspeler, Morris Rossouw het 23 van sy span se punte in die sege aangeteken. Hy het een van sy span se 11 drieë gedruk en ook nege van die drieë verdoel. Die blitsige, JD Mans is die enigste speler wat twee keer vir Lanties gaan druk het.

Diamantveld het om net buite Cradock in ‘n begeesterde Marlow Landbou 5-58 vasgeloop. Die Wolramme het tien drieë gedruk waarvan sy losskakel Heini Brümm slegs vier verdoel het.

Louis Botha se vleuel, Sheldon Fortuin was met ‘n driekuns drieë aan die spits van sy span se belangrike liga-oorwinning van 32-28 oor Jim Fouché. Louis Botha is met die oorwinning nou die vroeë gunsteling om as kampioen van die Vrystaatse A1-liga gekroon te word. Dié kampioen van dié liga verteenwoordig die Vrystaat in die Kovsiestreek-kompetisie se Shimla-liga (vir mediumskole). Volksblad is ‘n medeborg. Die wenspan se SA Skole-stut, Ox Nche het weer ‘n kragtige vertoning gelewer.

Zastron is steeds onoorwonne in die Vrystaatse B1-liga na hy President Steyn 33-9 getroef het. Die wenspan se losskakel, Nakkie Naudé het sy skopskoen aan gehad. Hy het al dries y spanne se drieë verdoel, twee strafdoele en twee skepdoele tussen die pale gejaag vir ‘n 100% slaagsyfer.

Brandfort het Hoërskool Bloemfontein 66-13 in hulle kragmeting ore aangesit. Die span se agtesman, Jan Serfontein behoort een van die Kiewiete se staatmakers op die Reitzweek te wees as hy op sy vertonings voortbou. Hy het heelwat balle by die afbreekpunte afgeneem. Sy kaptein en flank, Niel Terblanché is nie maklik gestuit wanneer hy die bal onder die arm vasgeknyp het nie.

Berto Janse van Rensburg se goeie aangeewerk het ook groot rol in sy span se sege gespeel. Hy het ook die verdedigers besig gehou met sy dartellopies om die losgemaal.

Puntemakers: 

Landboudal 73 – Drieë: JD Mans (2), Buks Neethling, Francois Jacobs, Danie du Toit, Erick Reinecke, Kat Mabaleng, Conrad du Toit, Petri Fourie, Guillaume Oberholzer, Morris Rossouw. Doelskoppe: Rossouw (9). Kathu 10.

Louis Botha 32 (15) – Drieë: Sheldon Fortuin (3), Olwethu Ndakisa, Victor Maruping. Doelskoppe: Sharwin Cupido (2). Strafdoel: Cupido. Jim Fouché 27 – Drieë: Wian Musgrave, JP Steyn, JP van der Merwe, Eduan Wepener. Doelskop: Ruan Wasserman. Strafdoel: Wasserman (2). 

Zastron 33 – Drieë: Hendri Roodt, Rikus Smit, Tumi Slabbert. Doelskoppe: Nakkie Naudé (3). Strafdoele: Naudé (2). Skepdoele: Naudé (2). President Steyn 9 – Strafdoele: Janus Sander. 

Brandfort 66 (33) – Drieë: Henco de Wet (3), Drikus Rautenbach (2), Berto Janse van Rensburg (2), Henco Pieterse, Pieter Reynecke, Zandré Groenewald. Doelskoppe: JG Kirk (8). Hoërskool Bloemfontein 13 (13).

Comments


Leave a Reply


error: Content is protected !!