Sunday, June 26, 2022
All the latest schoolboy rugby news, results and stats


KwaZulu-Natal en Blou Bulle in stryd van die dag

By Hannes Nienaber , in News , at 8 July 2013 Tags: , , , , , , , , ,

KWAZULU-NATAL se o.18-span gaan vandag meeste van sy swaargewigte op die eerste dag van die 50ste Cravenweek-toernooi vir hoërskole teen die Blou Bulle inspan. “Ons beplan om so een of twee van ons eerste keuse spelers eers in ons tweede wedstryd in te span. Dit is belangrik dat ons eers oor die eerste hekkie kom. So ons sal so te sê ons sterkste kombinasie teen die Bulle speel,” het Barend Steyn, hoofafrigter van die Piesangboere oor vandag se kragmeting gesê.

Die Ligbloues was verlede jaar die nie-amptelike kampioen van die toernooi in Port Elizabeth en ses spelers sal vanjaar weer in Polokwane in aksie wees. Twee van dié spelers die skrumskakel Justin Phillips en senter Jurie Linde het verlede jaar die SA Skole-span gehaal.

Die laaste keer wat die Piesangboere en die Blou Bulle mekaar op dié toernooi gepak het was op die laaste dag van die 2011-toernooi in Kimberley. KwaZulu-Natal se kaptein en slot Daniël du Preez en sy tweelingbroer Jean-Luc was lede van daardie span wat 8-29 aan die verloorkant was.

Die Leeus het twee keer die afgelope twee jaar KwaZulu-Natal se harte in hulle tweede wedstryde van die toernooi gebreuk. “Die feit dat die afgelope twee jaar in ons tweede wedstryd vasgeval het is gewis iets waaraan aandag in ons voorbereiding tot die week gegee het. Ons moet egter eers oor die eerste hekkie kom,” het Steyn gesê.

Die wenner van dié stryd sal heel waarskynlik op die derde dag van dié toernooi teen die wenner van die kragmeting tussen die Westelike Provinsie en die Pumas te staan kom. Die Streeptruie sal as gunsteling in die wedstryd ingaan. Die span kan egter nie die Pumas te ligtelik opneem nie. Die span se twee vernaamste voederskole, HTS Middelburg en Hoërskool Nelspruit, het mekaar in die eindstryd van die NuPower/Tuks-reeks gepak.

In die hoofwedstryd van die dag sê die gasheer, die Limpopo Blou Bulle vir Boland die stryd aan.
Die bepalings:

8 Julie – 09:20: Griekwaland-Wes t. Zimbabwe; 10:40: Grens t. Namibië; 12:00: Westelike Provinsie t. Pumas; 13:20: Blou Bulle t. KwaZulu-Natal; 15:40: Limpopo Blou Bulle t. Boland.

Comments


Leave a Reply


error: Content is protected !!