Saturday, June 25, 2022
All the latest schoolboy rugby news, results and stats


Hou die vyf dop op Cravenweek

By Hannes Nienaber , in News , at 6 July 2013 Tags: , , , , , , , , ,

DIE grootste skolerugby toernooi ter wêreld, die Cravenweek vir hoërskole vier volgende week sy 50ste bestaansjaar. School of Rugby het ‘n lys van vyf spelers saamgestel wat die mees belowendste spelers op die toernooi is en met die groot vyf unies die Blou Bulle, Sharks, Westelike Provinsie, Leeus en Vrystaat se onderskeie talentwerwers gesels oor dié spelers en ook oor wat hulle onderskeie unies aan junior spelers bied.

Die vyf talentwerwers is André Tredoux (Vrystaat), Xander Janse van Rensburg (Blou Bulle), Bart Schoeman (Leeus), Jacques Hanekom (Westelike Provinsie) en Grant Mellville (Sharks).

Sport24 se vyf spelers wat ‘n groot toekoms op die rugbyveld het wat voorlê is die Vrystaatse heelagter EW Viljoen, die Blou Bulle se slot RG Snyman, die Sharks se flank Jean-Luc du Preez, die Blou Bulle se senter Jurie Linde en die Vrystaatse stut Ox Nche. Daar moet egter ook in ag geneem word dat drie spelers die senter van Suid-Westelike Distrikte Warrick Gelant, die voorryman van die Leeus Frans van Wyk en die Streeptruie se slot JD Schickerling waarskynlik ook onder die voorste vyf spelers sou tel indien hulle nie weens besering aan dié toernooi moes onttrek nie.

“Daar is nie ‘n ander heelagter op skolevlak wat vanjaar kers by EW kan vashou nie. Hy het ongelooflike voorgevoel op die aanval. Hy beskik ook oor ‘n sterk afstamp en hope vaart. Sy lengte help ook dat hy verdedigers so suksesvol kan afstamp,” het Tredoux oor Viljoen se talent op die veld gesê.

Volgens Tredoux bied die Vrystaat aan die spelers meer geleenthede as ander unies omdat hulle oor ‘n kleiner begroting beskik. “Ons kan nie twee spelers per posisie kontrakteur op junior vlak nie, en dit bied dus meer geleenthede vir die spelers wat na ons toe kom,” het Tredoux gesê. Dié talentwerwer glo ook die Vrystaat is een van die min unies wat aan spelers met flair die geleentheid gee om hulle uit te leef.

“Ons het RG reeds as o.15-speler geidentifiseer. Hy is ‘n speler wat baie atleties vir sy grootte is. Hy het ‘n goeie voorgevoel vir die spel en kan ook die bal goed dra. Hy is ook ‘n speler wat nie wegskrum van die fisieke deel van die spel nie,” het Janse van Rensburg oor Snyman liries geraak. Dié talentwerwer sê voorts dat die Blou Bulle spelers daaraan blootstel om saam met die beste spelers te speel en ook teen die beste vir ‘n plek in ‘n span mee te ding. “Ons het ook die beste afrigters en ons het ‘n goeie samewerking met die universiteite by ons wat ons strukture steun,” het Janse van Rensburg gesê. 

“Jean-Luc is ‘n groot seun met natuurlike krag. Hy is ook baie doelgerig en ‘n denker oor die spel. Hy het gewis ‘n blink toekoms wat voor hom lê,” het Mellville oor Du Preez 

Volgens Mellville is die balans wat hulle aan spelers bied deurdat elke speler ‘n akademiese kursus moet loop sowel as die Sharks-akademie se sukses sy unie se grootste bates is. 

“Ox is ‘n speler wat baie aanpasbaar is. Hy het geen beperkinge in sy spel nie. Hy kan in meeste speelstyle inpas wat een van sy grootste bates is,” het Schoeman oor Nche se talent uitgebrei. “By die Leeus is ons benadering tot die spel een van trekpleisters vir spelers. Spelers se vaardighede word nie beperk nie asook die feit dat spelers vinnig by ons die geleentheid kry om op ‘n hoer vlak te speel,” het Schoeman gesê.

Comments


Leave a Reply


Your email address will not be published.

error: Content is protected !!