Friday, August 19, 2022
All the latest schoolboy rugby news, results and stats


Hier is die manne om vanjaar tydens die Cravenweek in Kaapstad dop te hou

By Hannes Nienaber , in News , at 3 July 2022 Tags:

KAAPSTAD. – Die 57ste Cravenweek vir hoërskole skop more op die Tinkie Heyns-veld van Rondebosch Boys’ High hier af.

Dit sal die eerste keer seder 1967 wees dat die Cravenweek in die Moederstad aangebied word.

Die Wes-Kaap was wel al ‘n hele paar keer seder 1967 die gasheer vir die gesogte toernooi met Stellenbosch (1973, 1980, 1996, 2007 en 2015), Paarl (1987 en 2018), Worcester (1981) en Wellington (2003) wat sedertien die toernooi aangebied het.

Daar is soos gewoonlik weer ‘n hele paar spelers in aksie met bekende ouers op die toernooi. Die Westelike Provinsie se haker, Luca Bakkes, se pa Luther Bakkes het in sy senior-loopbaan die Griekwas en Blou Bulle verteenwoordig.

Bakkes sr. het ook in 1989 as ‘n lid van Griekwas se span na die Cravenweek vir hom ‘n plek in die SA Skole-span losgespeel.

Die Streeptruie se skrumskakel, Emrique Liedeman, se oupa, Japie, het op sy dag vir die Proteas ‘n hele paar toetswedstryde gespeel asook vir WP-liga, Boland-liga en Boland in die Sport Pienaar en Curriebeker-reekse verteenwoordig.

In die WP se XV-tal is die agtsteman, Hugo-Ben Horn, die jonger broer van die Goue Leeus se seniorspan se agtsteman, Francke Horn, wat ook al die Leeus aangevoer het. Hul pa Francois Horn het op sy dag vir die Boland se seniorspan op heelagter diens gedoen.

Die Blou Bulle se losskakel, Stehan Heymans, is die seun van die voormalige senter van OP en die Luiperds se seniorspanne, Fanie Heymans.

Dit terwyl die Vrystaat se agtsteman, Jean-Henri Smit, die seun van die voormalige Springbok-kantman Philip Smit is. Sy spanmaat en binnesenter, Alec McIntyre, se pa, Mark McIntyre, was in 1989 ‘n spanmaat van Bakkes sr. in die SA Skole-span van daardie jaar.

Spelers wat tydens dié week kan beïndrik is:

Heelagters: Michail Damon (Blou Bulle), Jody Schambreel (Leeus), Jean-Claude Mars (WP), David Twala (Valke), Phila Ntshapela (Pumas), Spha Ngcobo (Sharks).

Regtervleuels: Alfondso Isaacs (Vrystaat), Marshall de Vos (Goue Leeus), Luke Graham (WP), Scott Nel (WP XV-tal).

Buitesenters: Janeil Losper (WP), Ulrich Wahl (Vrystaat), Shah-Jehaan de Jongh (WP), Jurenzo Julius (WP XV-tal), Lili Bester (Sharks), Kean Rossouw (Valke), Zain Henery (Leeus), Demitre Erasmus (Blou Bulle).

Binnesenters: Dwight Pietersen (Sharks), Freddie Dreyer (WP), Alec McIntyre (Vrystaat), Kobus Janse van Rensburg (SWD), Pieter Coetzer (Blou Bulle).

Linkervleuels: Risima Sambo (Blou Bulle), Joel Leotlela (Leeus), Keante Pienaar (Griekwas), Keith Syster (SWD), Therlow Prins (SWD).

Losskakels: Deano Boezak (Sharks), Thurlon Williams (WP), Jaydon Bantom (Valke), Logan Muller (OP), Tyler Sefoor (Leeus), Bradley Giddy (Vrystaat), Kyle Smith (WP).

Skrumskakels: Caleb Abrahams (Vrystaat), Steven Nel (Blou Bulle), Emrique Liedeman (WP), Zack Serfontein (OP), Danny van Staden (Pumas), Aidan Muller (WP XV-tal).

Agtstemanne: Camden Schoeman (SWD), Dieter Schubert (Blou Bulle), JJ Theron (Vrystaat), Jamie Ricketts (WP), Burrie van Heerden (OP), Zandro Coetzee (Luiperds).

Flanke: Lukas Meyer (Vrystaat), Ewan van Heerden (Blou Bulle), Matthew Fick (WP), Dean Crouse (WP XV-tal), Njabulo Shabangu (Pumas), Herman Lourens (WP XV-tal), Ramon Uys (SWD), Abrie van der Westhuizen (Blou Bulle), Wandile Mlaba (Sharks), Xander Schoeman (Leeus).

Slotte: JF van Heerden (Vrystaat), Patrick Kitete (SWD), Ben Heydenrych (WP), Ulrich van der Westhuizen (Leeus), Jack Waterhouse (Sharks), Keanu Coetzee (WP), Sampie Joubert (WP XV-tal), André Goedhals (SWD), Luan Taylor (SWD), MC Kruger (OP), Thabang Mphafi (Leeus), Ryno van Aswegen (Valke).

Vaskopstutte: Casper Badenhorst (Vrystaat), Bernard Bladergroen (WP XV-tal), Zachary Porthen (WP), Zack Maritz (Blou Bulle).

Hakers: Luca Bakkes (WP), Tian Vorster (WP XV-tal), De Wet Lottering (Blou Bulle), Jan Botes (Leeus), Hanro Venter (Blou Bulle), Nick Greyling (Vrystaat), Armand Combrinck (SWD).

Loskopstutte: Sifiso Magwaza (Leeus), Wilbur Loubser (WP), Ruan Swart (SWD).

Comments


Leave a Reply


error: Content is protected !!