Sunday, June 26, 2022
All the latest schoolboy rugby news, results and stats


Griekwas kies sy twee voorlopige Cravenweek-spanne


TWEE seuns van voormalige rugbyspelers van Griekwaland-Wes is in die binnebaan om die unie later vanjaar in Middelburg op die Cravenweek vir hoërskole te verteenwoordig.

Die loskopstut Boan Venter (De Aar) en flank Nardus Bosman (Diamantveld) is die seuns van De Waal Venter en Dagga Bosman. Venter het die Poubloues se seniorspan in 106 wedstryde verteenwoordig.

Albei die pa’s het ook op hulle dag aan die Cravenweek deelgeneem. Venter was lid van Griekwas se span wat aan die toernooi in 1991 in Oos-Londen deelgeneem het. Venter is ook ’n oud-leerling van De Aar. Bosman was lid van Suid-Vrystaatse span na die Cravenweek op Witbank in 1985 en die Vrystaat-plattelandse span na die toernooi op Graaff-Reinet in 1986. Hy het sy skoolloopbaan aan Landboudal van Jacobsdal voltooi.

Nardus Bosman is een van vier spelers in die voorlopige groep vir die Cravenweek wat verlede jaar ook in Polokwane in aksie was. Die ander is die vleuel Leon Becker, senter Gerhard Holtzhausen en slot Thulani Njenje.

Griekwas kom more teen sy eweknie van Griekwa-platteland in ’n opwarmings wedstryd wat ook as proewe vir albei spanne sal dien te staan. Die wedstryd skop om 11:30 op Hoërskool Upington af.

Die Plattelanders het ’n jong span gekies met 13 spelers van die groep van 22 wat nog volgende jaar ook aan die Cravenweek sal kan deelneem. Slegs die slot Ryno Karstens en stut Sergio Boer was op verlede jaar se toernooi in aksie.

Die span se ander slot, Cobus Wiese is vroeër vanjaar in die span van die week na afloop van Oakdale Landbou se jaarlikse rugbyweek aangewys.

Hoërskool Upington is die krag in die streek met elf spelers in die span.

Die spanne is:

Griekwas: Keaton Gordon (Diamantveld), Leon Becker (Noord-Kaap), JD Swanepoel (Diamantveld), Gerhard Holtzhausen (Noord-Kaap), JP Abrahams (Diamantveld), Robbie Petzer (Noord-Kaap), Brandon de Melim (Noord-Kaap), Georg Sieberhagen (De Aar), Damian van der Bergh (Noord-Kaap), Ruan Willemse (Diamantveld), Teubes Brits (Landboudal), Rikus Zwart (Noord-Kaap), FC Swart (Landboudal), Brandon Smit (Diamantveld), Boan Venter (De Aar). Plaasvervangers: Morné Steynman (Noord-Kaap), Nathan Christiaans (Diamantveld), Thulani Njenje (Noord-Kaap), Nardus Bosman (Diamantveld), Nielton Warnich (Noord-Kaap), Gerco Nortjé (Diamantveld), Wilfred Bowers, Geo Davel (albei Noord-Kaap).

Griekwa-platteland: Joe-Lythen Willemse, Franco Snyders, Dillon Magerman (almal Upington), SJ van der Merwe (Kalahari), Marcel van der Westhuizen (Upington), Coenie Lamprecht (Duineveld), DJ Brand (Namakwaland), Rynard Hayes (Upington), Erik Jordaan (Duineveld), Dian Dry (Upington), Ryno Karstens (Duineveld), Cobus Wiese (Upington), Stefan Hanekom (Duineveld), Gert Nel (Upington), David du Toit (Duineveld). Plaasvervangers: Evandre Knoetze (Kalahari), Sergio Boer, Wynand Terblanche (albei Upington), Garth-lee Young (Springbok), André Share (Upington), Denvil Joseph (Springbok), Naziem van Wyk (Concordia).

#Cravenweek #Griekwas #Middelburg

Comments


Leave a Reply


error: Content is protected !!