Wednesday, August 10, 2022
All the latest schoolboy rugby news, results and stats


Grey vat weer vlam in die tweede helfte, terwyl Monnas vir Garsies op die Ras omdop

By Hannes Nienaber , in News , at 15 May 2022 Tags: , , , , , , , , ,

NewsG Grey College schools rugbyIn ‘n wedstryd van twee helftes het Grey-kollege soos die gewoonte is, in die tweede helfte afdraende teen die Hoër Jongenskool Paarl in Bloemfontein gespeel.

Grey het die kragmeting in die Rosestad met 21-12 gewen.

Die eerste helfte het aan Boishaai behoort en die span kon met ‘n voorsprong van 5-0 gaan rus na sy haker, Juan Smal, danksy ‘n drie vanaf ‘n rolmaalbeweging die enige punte aangeteken het.

Die besoekers se afrigter, Sean Erasmus, sou egter nie gelukkig met feit gewees het dat sy span heelwat punte veral met die skopskoen in die helfte agter gelaat het nie.  

Grey het in die tweede helfte sy ritme begin vind en veral die skrumskakel, Caleb Abrahams en vleuel Alfondso Isaacs het goeie werk verrrig. Grey is in die eerste helfte ‘n slag toegedien toe sy flank en hoofseun, Lukas Meyer, met ‘n besering die veld moes verlaat.

Die span se agtsteman, JJ Theron, het egter weer sy hand opgesteek dat hy ook ‘n speler is om in die toekoms dop te hou.

Die Hoërskool Outeniqua het duidelik ‘n punt gehad om te bewys en vir Die Brandwag van Uitenhage met 66-0 ordentlik gekarnuffel.

Paarl Gimnasium het vir Rondebosch Boys’ High met 52-21 die loef afgesteek. Gimmies moes boonop sonder sy buitesenter, Janeil Losper, klaarkom wat vroeër vanjaar as Wildeklawer se Speler van die Toernooi aangewys is.

Losper sou op binnesenter teen Rondebosch uitdraf, met die eintlike binnesenter, PA van Niekerk, wat ook nie in aksie was. Die span van die Paarl speel reeds sonder Luca Bakkes (haker) en Liam Koen (losskakel) wat op die krukkelys is.

Oakdale Landbou het op sy tuisveld net buite Riversdal vir Stellenberg met 34-17 geklop. Sy linkervleuel, Therlow Prins, het twee keer ‘n draai agter die Jade Brigade se doellyn gemaak.

Wynberg Boys’ High het waarskynlik die grootste verrassing van die naweek opgedis toe hy vir Boland Landbou met 61-40 geklop het, in ‘n kragmeting waar aanval baas was.

Bishops het sy onoorwonne status behou deur die Hoërskool Strand met 10-7 te klop, terwyl Paul Roos ook hard moes sweet om SACS met 20-12 uit te oorlê.

Monument se Wit Bulle het gister gewys dat jy nie sommer net op sy tuisveld, die Ras van Rooyen-veld, kan opdaag en hulle omdop nie.

Monnas het die Hoërskool Garsfontein se onoorwonne status op die rugbyveld vanjaar met ‘n klinkende sege van 43-19 beëindig. Dit is duidelik dat bekerrugby die beste uit Monnas haal.

Die Garsies se Bere het nie ‘n goeie dag op kantoor beleef nie, maar Monnas se agttal het die fondasie vir die sege in die vastelos gelê. Daar moet wel genoem word dat die Bere se loskopstut, Adriaan van Niekerk, die tuisspan in die skrums laat les opsê het.

Sy direkte teenstander, Sifiso Magwaza, was weer uitstaande vir die Wit Bulle. Hy het ‘n hele paar keer met die bal onder die arm ver ente veld vir die wenspan gemaak.

Monnas se nuwe hulpafrigter en adjunkhoof, Francois Robbertse, het duidelik ook ‘n impak voorlangs gemaak. Die wenspan se agtsteman, Xander Schoeman, buitesenter, Zain Henery, en heelagter, Jody Schambreel het alma look uitmuntende vertonings opgedis.  

Waterkloof het sy aanslag op vanjaar se titel met ‘n naelskraapse sege van 7-6 oor Menlopark afgeskop. In Boksburg het EG Jansen vir Marais Viljoen met 43-15 kaf gedraf, terwyl Noordheuwel ‘n belangrike sege van 24-18 oor Helpmekaar-kollege behaal het.

Die Nories se Ludie Schutte, Keagan Grobbelaar (albei flanke) en Marshall de Vos (buitesenter) was uitstekend op die verdediging wat ‘n rol aandeel in die span se sege gespeel het.

In die Plaat-kompetisie het die Hoërskool Nelspruit vir Zwartkop met 31-3 afgestof. Die span se agtsteman, Leonard Bornman, het twee keer die besoekers se doellyn oorgesteek.

Hy het die bal goed gedra en deurgans vra aan die Zwarries se verdediging gevra. Die Rhinos se kaptein en binnesenter, Drikus Greeff, was rotsvas op verdediging.

In die Oos-Kaap het Grey High School vir die eerste keer gister op die Kolisi-veld (voorheen Philip-veld) uitgedraf en vir Queen’s College met 28-13 verslaan.

Die skool van Gqeberha het sy hoofveld gister na sy oud-leerling en huidige Springbok-kaptein, Siya Kolisi, vernoem.  

Die tyd is dalk nou reg vir Kolisi om ‘n program saam met sy voormalige skool op die been te bring om aan nog jong rugbyspelers die geleentheid te gee wat hy destyds by dié spogskool ontvang het.

Charlie Hofmeyr van Ceres het hul onoorwonne status behou deur Swartland van Malmesbury met 52-23 die loef af te steek.

Diamantveld het met 25-17 in sy jaarlikse Classic Clash teen Noord-Kaap koning gekraai. In Upington tydens die Klein Interjol was Duineveld vanjaar met 10-3 oor Hoërskool Upington baas.

Die Afrikaanse Hoër Seunskool van Pretoria moes veel harder werk as verwag om King Edward VII in Johannesburg met 19-13 te verslaan. Die

Hoërskool Middelburg het vir die eerste keer sedert 2009 daarin geslaag om HTS Middelburg se Rooi Bulle met 31-15 te tem.

FOTO: Marnus Prinsloo

Hierdie artikel het oorspronklik in Rapport verskyn. 

AL DIE UITSLAE:

NOORDVAAL-TROFEE

Beker-kompetisie: Monument 43, Garsfontein 19; Waterkloof 7, Menlopark 6; Noorhdeuwel 24, Helpmekaar 18, EG Jansen 43, Marais Viljoen 15.

Plaat-kompetisie: Hoërskool Nelspruit 31, Zwartkop 3; Hoërskool Rustenburg 50, Ben Vorster 12; Transvalia 31, Kempton Park 26.

Skild-kompetisie: Oos-Moot 15, Hugenote (Springs) 10; Eldoraigne 36, Jeugland 24.

Bowl-kompetisie: Wesvalia 51, Hoërskool Alberton 9; Secunda 42, Centurion 0; Potchefstroom Volkskool 55, Dr. Malan 13.

Afdeling 2

Blou Bulle: Hoërskool Tuine 19, Overkruin 15.

Leeus: Florida 13, Randburg 10.

Luiperds: Wagpos 26, Bergsig Akademie 15.

Pumas: Pionier 19, Ermelo 18.

Valke: Brandwag (Benoni) 35, Hans Moore 12; Oosterlig 24, Leeuwenhof 15.

Afdeling 3

Leeus: Fochville 33, Jan Viljoen 5.

Valke: HTS Sasolburg 45, Vereeniging Gimnasium 0.

OOS-KAAP/KWAZULU-NATAL

Grey High School 28, Queen’s College 13; Selborne College 31, St. Andrew’s College 17; Framesby 15, Kingswood College 3; Marlow Landbou 31, Nico Malan 26; Glenwood 23, Maritzburg College 22; Hilton College 22, Pretoria Boys’ High 7; Northwood 27, Westville Boys’ High 23; Kearsney College 22, St. Charles College 19; Durban High School 23, Michaelhouse 14; Winterberg 38, Aliwal-Noord 24.

VRYSTAAT/GRIEKWAS

Grey-kollege 21, Hoër Jongenskool Paarl 12; Diamantveld 25, Noord-Kaap 17; Duineveld 10, Hoërskool Upington 3; Welkom Gimnasium 35, Hoërskool Trio 32; Voortrekker (Bethlehem) 34, Hentie Cilliers 11; Witteberg 30, Goudveld-Hoërskool 23; Fichardtpark 19, Landboudal 17; Zastron 27, Sand du Plessis 24; President Steyn 46, Hendrik Potgieter 14; Wilgerivier 59, Wessel Maree 0; Hennenman 45, Winburg 5; Sentraal 36, Fichardtpark 32.

NOORDVAAL

Affies 19, King Edward VII 13; Hoërskool Middelburg 31, HTS Middelburg 15; Klerksdorp 23, Lichtenburg 22; Jeppe 70, St. David’s Marist 17; Potchefstroom Gimnasium 48, St. Benedict’s College 22; HTS Potchefstroom 27, Potchefstroom Boys’ High 5; Allen Glen 50, Alberton High 7; Heronbridge College 7, Penryn College 3; Louis Trichardt 29, Curro Heuwelkruin 12.

WES-KAAP 

Paarl Gimnasium 52, Rondebosch Boys’ High 21; Oakdale Landbou 34, Stellenberg 17; Outeniqua 66, Brandwag (Uitenhage) 0; Wynberg Boys’ High 61, Boland Landbou 40; Paul Roos Gimnasium 20, SACS 12; Bishops 10, Hoërskool Strand 7; Parel Vallei 24, DF Malan 21; Charlie Hofmeyr 52, Swartland 23; Melkbosstrand 15, Milnerton 14; HTS Bellville 15, Vredenburg 12; Fairmont 13, Edgemead 3; Monument Park 35, Fairbairn-kollege 19; Gordon High 39, Westerford 0; Montagu 59, Montana (Worcester) 0; Robertson 28, Labori 10; Piketberg 19, Vredendal 18; Somerset College 21, Jan van Riebeeck 19; Durbanville 45, Brackenfell 15.

[powr-comments id=”264ec2e6_1652594106941″]

Comments


Leave a Reply


error: Content is protected !!