Saturday, August 13, 2022
All the latest schoolboy rugby news, results and stats


Garsie Bere die Prinse van Pretoria, Bakkes laat SACS bontstaan

By Hannes Nienaber , in News , at 5 June 2022 Tags: , , , , , , , , ,

NewsG Garsfontein Bere Rugby Liam DickDaar kan na die Hoërskool Garsfontein se oortuigende sege van 36-7 oor Waterkloof nie verder ‘n twyfel bestaan oor wie vanjaar die voorste skolerugbyspan in Pretoria is nie.

Die Bere het vanjaar reeds die ander twee groot honde van die Jakarandastad – Affies (20-19) en Menlopark (34-8) geklop.

Die Garsies het teen ‘n hoë tempo weggespring en reeds teen die omdraaislag ‘n voorsprong van 24-0 geniet. Die span se twee vleuels, Liam Dick en Boeloe Scott, buitesenter Dimitre Erasmus en skrumskakel, Steven Nel, het mooi drieë vanaf agterlynbewegings gedruk.

Dit was vir die Garsie Bere ‘n geval van die voorspelers wat die klavier geskuif het na waar die agterspelers in staat gestel is om die note te speel. Dit was veral Nel wat met sy spel beïndruk het.

Hy het sy spel goed afgewissel en die agttal presies gestuur na waar hy die klavier wou hê. Nel tel vanjaar sonder twyfel as een van die voorste skrumskakels op skolevlak.

Vir Klofies is sy heelagter, Reuvan Ferreira, vir sy moedige vertoning met ‘n drie in die tweede helfte beloon.

Dr. EG Jansen van Boksburg is steeds onoorwonne in die Beker-kompetisie van die Noordvaal-trofee na hy vir Helpmekaar-kollege met 26-12 verslaan het.

Die argitek in die sege was weer sy losskakel, Jaydon Bantom, hoewel dit ‘n reuse spanpoging was. Voorlangs het die slot en kaptein, Ryno van Aswegen, harde werk verrig.

Noordheuwel het sy stem teen HTS Middelburg dik gemaak deur met 44-7 as oorwinnaars van die veld te stap. Die Nories se voorryman Arné Roux en buitesenter, Marshall de Vos, het elk dubbelle driedrukplesier ervaar.

Soos gewoonlik was die losskakel, JT Kapank, ook op sy stukke en het hy ‘n bydrae van 14 punte met sy skopskoen gelewer.

Rondebosch Boys’ High het vir die eerste keer sedert 2003 op sy tuisveld daarin geslaag om vir Paul Roos Gimnasium van Stellenbosch die loef af te steek. Die span van Kaapstad was met 24-12 baas.

Rondebosch kan nou daarmee spog dat hy vanjaar reeds twee van die vier groot honde vanuit die Boland ore aangesit het. Hy het ook vroeër vanjaar vir die Hoër Jongenskool Paarl (22-19) verslaan.

Gepraat van Boishaai sy losskakel, Thurlon Williams, kan op die oomblik nie ‘n voet verkeerd neersit nie. Hy het al sy span se drieë in hul sege van 42-24 oor Wynberg Boys’ High verdoel.

Die spanne vanuit die Paarl het ‘n goeie dag op kantoor beleef. Paarl Gimnasium met sy haker, Luca Bakkes, aan die voorpunt het vir SACS met 66-13 kaf gedraf.

Bakkes het vier van sy span se tien drieë gedruk. Hy was duidelik honger op te speel nah y ‘n hele paar weke langs die kantlyn moes deurbring. Die wenspan se flank Dean Crouse, skrumskakel Emrique Leideman en senter Janeil Losper het ook goeie vertonings opgedis.

Boland Landbou het met ‘n sege van 14-7 op Piley Rees in Kaapstad oor Bishops gesorg dat laasgenoemde sy derde agtereenvolgende nederlaag op die lyf loop. Die span van die Moederstad was drie weke gelede nog onoorwonne.

Oakdale Landbou se agtsteman, Armand Combrinck, het ‘n driekuns aan drieë in sy span se oortuigende oorwinning van 52-3 oor die Hoërskool Durbanville behaal.

Dit was gewis nie die beste rugby wat die Afrikaanse Hoër Seunskool van Pretoria vanjaar opgedis het nie, maar die Wit Bulle sal steeds tevrede met die sege van 21-6 oor Menlopark wees.

Dit was die eerste kragmeting tussen dié twee skole sedert 2006. Die Parkies sal wel ondanks die nederlaag steeds tevrede met hul vertoning voel. Die span het nooit die handdoek ingegooi nie en boonop ‘n rustyd-voorsprong van 6-0 geniet danksy twee strafdoele deur sy losskakel, Marco Strydom.

FOTO: Frans Lombard/Actionpix

Al die uitslae

NOORDVAAL-TROFEE

Afdeling 1

Beker-kompetisie: Garsfontein 36, Waterkloof 7; EG Jansen 26, Helpmekaar 12; Noordheuwel 44, HTS Middelburg 7.

Plaat-kompetisie: Hoërskool Rustenburg 38, Zwartkop 27; Kempton Park 19, Montana 14.

Skild-kompetisie: Hoërskool Klerksdorp 33, Hugenote (Springs) 26; Heidelberg Volkskool 12, Oos-Moot 12.

Bowl-kompetisie: Hoërskool Alberton 26, Dr. Malan 12; Hoërskool Pietersburg    7 Potchefstroom Volkskool 5.

Afdeling 2

Blou Bulle: Midstream College 32, Hoërskool Tuine 20; Wonderboom 20, HTS John Vorster 18. Limpopo: Frikkie Meyer 72, HTS Tom Naudé 0; Ellisras 55, Piet Potgieter 7; Hans Strijdom 25, Ben Viljoen 22. Pumas: Piet Retief 37, Pionier 10; Ermelo 26, HTS Witbank 12. Valke: Oosterlig 31, Driehoek 7; Brandwag (Benoni) 25, Leeuwenhof 15.

Afdeling 3  

Blou Bulle: Die Wilgers 36, Gerrit Maritz 14; CR Swart 31, Erasmus (Bronkhorstspruit) 29. Pumas: Curro Nelspruit 37, Bergvlam 6; Standerton 47, Hoogenhout 21. Valke: HTS Sasolburg 20, Delmas 17.

Afdeling 4

Limpopo: Warmbad 78, Northern Academy 12; Eric Louw 51, Stanford Lake College 26.

NOORDVAAL

Affies 21, Menlopark 6; Randburg 31, Potchefstroom Gimnasium 31; Dinamika 15, St. Benedict’s College 6; St. Alban’s College 31, Northcliff 21; HerronBridge College 31, Krugersdorp High 23.

OOS-KAAP/KWAZULU-NATAL

Framesby 43, Die Brandwag (Uitenhage) 7; Hilton College 29, Glenwood 28; Maritzburg College 31, Kearsney College 20; Queen’s College 20, St. Andrew’s College 8; Durban High School 36, Northwood 14; Michaelhouse 31, Westville Boys’ High 21; Marlow Landbou 51, Hudson Park 14; Graeme College 31, Itembelihle 0.

WES-KAAP

Hoër Jongenskool Paarl 42, Wynberg Boys’ High 24; Boland Landbou 14, Bishops 7; Rondebosch Boys’ High 24, Paul Roos Gimnasium 12; Paarl Gimnasium 66, SACS 13; Oakdale Landbou 52, Hoërskool Durbanville 3; Brackenfell 33, Milnerton 26; HTS Drostdy 35, Tygerberg 25; Parel Vallei 23, Hottentots-Holland 22; Hoërskool Bellville 48, Primrose-klub 7; Melkbosstrand 10, Hamlets-klub 12.  

[powr-comments id=”7b909187_1654402688492″]

Comments


Leave a Reply


error: Content is protected !!