Saturday, June 25, 2022
All the latest schoolboy rugby news, results and stats


En Noord-Kaap kry weer kans om sy titel te verdedig na appél

By Hannes Nienaber , in News , at 17 August 2013

DIE rugbyspan van Hoërskool Noord-Kaap sal na ‘n suksesvolle appélverhoor eergister die kans kry om sy titel as kampioen van die Kovsiestreek-kompetisie se Shimla-liga (vir mediumskole) te verdedig. Volksblad is ‘n medeborg van die kompetisie.

Daar het ‘n storm in die Kimberley oor die Diamantstad se grootste skolewedstryd uitgebars. Die ENB Classic Clash tussen Hoërskool Noord-Kaap en Hoërskool Diamantveld wat vooraf as ‘n versoeningstryd gebrandmerk is, se uitslag is vroeër in ‘n verhoor verander.

Noord-Kaap het egter geappeleer en was suksesvol. Die appélverhoor wat deur adv. Willem Coetzee, Stephen Adendorff en Phillip Scuocatti hanteer is, het slegs 20 minute geduur voordat hulle in Noord-Kaap se guns beslis het.

Northerns het vroeër vanjaar die Classic Clash tussen die twee spanne op GWK-park in Kimberley 27-19 gewen.

Die Kimberley subunie het na ‘n verhoor die “ligapunte” aan Diamantveld toegeken. Noord-Kaap gaan die beslissing appelleer. Dié beslissing beteken dat Noord-Kaap nie sy titel as kampioen van die Shimla-liga sal kan verdedig nie. Noord-Kaap is die afgelope vier jaar kampioen van die streekliga.

Dié dispuut tussen die twee skole gaan oor Noord-Kaap se post-matriek en kaptein, Lehan Muller wat in die kragmeting gespeel het. Die subunie het vroeër beslis dat dié kragmeting ‘n liga-wedstryd is, en dat daar nie post-matrieks in die liga mag speel nie.

“Ons is baie bly dat ons appél geslaag het en dat ons aan die kompetisie kan deelneem,” het Henk Brand, skoolhoof en afrigter van Noord-Kaap gesê.

Muller was vroeër vanjaar die Poubloues se o.19-span se kaptein na die jaarlikse Pukke-week in Potchefstroom. “Die uitspraak van die verhoor was in Noord-Kaap se guns. Dit beteken voorts dat hy Griekwas in die Kovsiestreek-kompetisie sal verteenwoordig. Die gronde waarteen die appél suksesvol was is die feit dat daar heelwat leemtes in die Griekwaland-Wes Skolerugby-vereniging se grondwet bestaan. Die president (Hennie van der Merwe) het reeds aan al die subunie en verenigings aangedui dat hulle hul grondwet moet hersien en die leemtes uitskakel,” het Kat Swanepoel, skeidsregterbestuurder van Griekwas, gesê.

Die een helfte van die halfeindstryde van die Kovsiestreek-kompetisie sal op GWK-park in Kimberley as voorwedstryde vir die Curriebeker-kragmeting tussen Griekwas en Westelike Provinsie aangebied word.

Comments


Leave a Reply


Your email address will not be published.

error: Content is protected !!