Thursday, August 18, 2022
All the latest schoolboy rugby news, results and stats


Ben Viljoen verdedig titel teen Vryburg

By Hannes Nienaber , in News , at 27 August 2016

Dit is altyd makliker om ’n titel te verower as om hom te behou.

Die sêding in die sportwêreld is heel gepas om die aanslag van die Hoërskool Ben Viljoen se eerstespan te beskryf om sy titel as kampioen van die Virseker Beeldtrofee vir Mediumskole vandag teen die Hoërskool Vryburg te behou.

Ben Viljoen het verlede jaar vir Piet Potgieter van Potgietersrus met 32-22 in die eindstryd verslaan.

Die span van Vryburg is vanjaar omgesukkel en sal nie maklik op sy tuisveld geklop word nie. Ben Viljoen se agtsteman, Phil Joubert, en haker, Thato Maseko, sal soos verlede jaar weer sleutelrolle in hul span se aanslag speel. Joubert is ’n sterk baldraer wat weer hoe om die doellyn te oorkruis.

Vryburg se skrumskakel, Francois Pelser, sal vandag die 49ste keer sy skool se eerstespan-trui oor die kop trek. Hy het die Luiperds se laaste vesting op verlede jaar se Cravenweek in Stellenbosch beman. Hy behoort dus op die dekverdediging ’n hele paar manne plat te trek. Sy tweelingbroer, Johan, is die span se stelskopper en beman die middelveld saam met Dian Bester. Hy sal self in sy 42ste wedstryd vir Vryburg se eerstes uitdraf.

Johan Pelser en Gert Jonker het die afgelope twee jaar ’n gedugte kombinasie in die middelveld gevorm. Jonker sal in die eindstryd vanaf die plaasvervangersbank gewis ’n impak op die wedstryd hê.

Vryburg het vanjaar nog net een keer teen Kathu (5-10) die knie gebuig. Hy is boonop vroeër as kampioen van die Pukke 16-reeks gekroon toe hy Pionier met 57-5 in die eindstryd in Potchefstroom verslaan het.

Vryburg is in die geskiedenis van die Beeldtrofee vir Mediumskole asook Kleinskole een van die mees suksesvolste spanne. Die skool se eerstespan was in 2009 en 2014 as kampioen van die Mediumskole-afdeling gekroon, terwyl hy ook tussen 2002 en 2005 elke jaar die kroon in die Kleinskole-afdeling gedra het. Die titel van 2005 het hy wel met Parys gedeel.

In die o.14-eindstryd sal Ellisras en Merensky mekaar die stryd aansê. Ellisras het in die Limpopo-eindstryd vir Merensky met 16-5 verslaan. Die Limpopo-kampioen is nog onoorwonne vanjaar en het in sy 14 wedstryde 531 punte opgestapel en slegs 73 afgestaan.

Die spanne is:

Vryburg: Kobus Vermaak, Chris Cloete, Dian Bester, Johan Pelser, Lezano McCarthy, André Kock, Francois Pelser, Jonan van den Berg, Adolf Reyneke, Hermi Potgieter, Henning Stols, RA Pretorius, JW Lazenby, Hanu Heins, Wilhelm van der Merwe. PLAASVERVANGERS: Renier Pienaar, Kobus Meyer, William Janse van Rensburg, MC Janse van Rensburg, Heinrich Jankowitz, Marlon McGuier, Gert Jonker, Zech Esterhuizen.

Ben Viljoen: MJ Koekemoer, Wynand du Preez, Vincent Roos, Ruben-John Meiring, Gideon Visser,, Ludwigh Lubcker, Sias Morkel, Phil Joubert, WJ du Plessis, Braam de Beer, Jaco Blignaut, Francois Bronn, Heinrich Grobler, Thato Maseko, Armand Engelbrecht. PLAASVERVANGERS: Alex Paissopoulos, Bryan Jovner, Jaco Röntgen, Hendrik Stander, Mondré Jansen van Vuuren, Ruan Human, Jason la Cock, Conrad Scholtz, Hennie Botha.

Comments


Leave a Reply


error: Content is protected !!