Thursday, August 18, 2022
All the latest schoolboy rugby news, results and stats


Absa Wildeklawer van 2022 in Kimberley die grootste nog

By Hannes Nienaber , in News , at 29 April 2022 Tags: , , , , , , , , ,

NewsG Monnas MagwazaDie Absa Wildeklawer-rugbytoernooi is vanjaar groter as ooit te vore. 

Nie minder as 22 eerste rugbyspanne van die land se voorste rugbyskole sal oor die naweek teen mekaar sake uitspook. Elke span speel twee wedstryde tydens die toernooi. 

Die toernooi skop af met die Afrikaanse Hoër Seunskool van Pretoria se Wit Bulle wat Vrydag om 19:00 teen Oakdale Landbou kragte sal meet. Die toernooi word soos die gebruik die afgelope paar jaar deur die Hoërskool Diamantveld aangebied.

Al die wedstryde word regstreeks op SuperSport Schools uitgesaai.

Affies en Oakdale betree albei die toernooi op ‘n goeie voet. Affies het verlede Saterdag (29-26) vir Paarl Gimnasium vir die eerste keer sedert 2012 geklop.

Oakdale het op sy tuisveld daarin geslaag om Grey-kollege tot ‘n gelykop-uitslag van 17-elk te hou. Die Bulle van Riversdal het sonder twyfel verlede Saterdag ter nagedagtenis van hul eerste Springbok, Pedrie Wannenberg, ‘n spesiale vertoning opgedis. 

Wannenberg is tragies vroeër daardie oggend in ‘n motorongeluk oorlede. 

Create Infinity2

Die hoofwedstryd op die tweede dag (Saterdag, 30 April) sal tussen Paul Roos Gimnasium en Glenwood van Durban beslis word. Die vernaamste voorwedstryd behoort ook heelwat vuurwerk op te lewer met Monument se Wit Bulle wat teen die Kwaggas van Outeniqua te staan sal kom. 

Grey-kollege behoort sy wonde te lek en daarom ekstra gevaarlik te wees teen Boland Landbou. Paarl Gimnasium sal ook omgekrap wees en Helpmekaar-kollege staan eerste in hul pad more om 13:50. Gimmies en Grey-kollege se mekaar Maandag in die hoofwedstryd van die dag die stryd aan wat beloof om die wedstryd van die toernooi te wees. 

Helpies sal wel nie net die stryd gewonne gee nie. Die span van Johannesburg het vroeër vanjaar vir Paul Roos Gimnasium tydens die Noord/Suid-toernooi omgedop. 

Saterdag se bepalings: 

08:00 – Noord-Kaap vs Stellenberg
09:10 – Menlopark vs Durban High School
10:20 – Framesby vs Garsfontein
11:30 – Diamantveld vs Waterkloof
12:40 – HTS Drostdy vs Welkom Gimnasium
13:50 – Helpmekaar vs Paarl Gimnasium
15:00 – Hoër Jongenskool Paarl vs Maritzburg College
16:10 – Grey-kollege vs Boland Landbou
17:20 – Monument vs Outeniqua
18:30 – Paul Roos Gimnasium vs Glenwood 

[powr-comments id=”0b9b85ec_1651243473787″]

Comments


Leave a Reply


error: Content is protected !!