Share

NewsGGiovanSnymanDie Goue Leeus en Sharks het nie net mekaar vanjaar in die hoofwedstryd van die 54ste Cravenweek vir hoërskole in Johannesburg die stryd aangesê nie, maar ook die meeste SA Skole-spelers se handtekeninge bekom om volgende jaar hul rugbyloopbane by hulle voort te sit.

Die Leeus (8) en Sharks (7) het saam daarin geslaag om 15 van die 29 SA Skole-spelers van vanjaar se dienste vir volgende jaar bekom. Agt van vanjaar se SA Skole-spelers sal volgende jaar nog agter die skoolbanke stelling inneem.

Bart Schoeman wat die Leeus se kontraktering hanteer het daarin geslaag om agt van die Leeus se nege SA Skole-spelers in die unie te behou.

Die negende speler, Morné Brandon, sal volgende jaar nog vir Monument in Krugersdorp se eerstespan uitdraf. Die Leeus het wel die dienste van die Ratel, Dameon Venter (Helpmekaar), behou. Boonop bult die unie se hakerspens met die Springbok Malcolm Marx en twee van die voorste o.19-hakers in die land, PJ Botha en Tiaan van der Merwe.

Die agt spelers wat die Leeus tot nie-amptelike kampioen van die Cravenweek gehelp het, is Mark Snyman, Travis Gordon (SA Skole-kaptein), Kennedy Mpeku, Yanga Hlalu, Asenathi Ntlabakanye, Keagan Glade, Nkosi Masuku en Cristen van Niekerk. Die Leeus het die Sharks met 45-18 in die hoofwedstryd op St Stithians College se Baytop-veld verslaan.

Snyman en Gordon het reeds die Leeu-welpies gehelp om die Vrystaat met 55-24 in die eindstryd van SA Rugby se o.19-kampioenskap te verslaan.

Schoeman sal ook tevrede wees met die feit dat hy Janco van Heyningen (Vrystaat, senter), Giovan Snyman (Bulle, skrumskakel) en Prince Nkabinde (Pumas, vleuel) na die Goudstad kon lok. Dié drie sal saam met David Cary (Helpmekaar, heelagter/vleuel) goed in die Leeus se aanvallende spelpatroon inpas. Van Heyningen is verlede jaar in Atletiek Suid-Afrika se uitsoekgroep ingesluit wat die vereniging geoormerk het as atlete wat medaljes vir Suid-Afrika tydens die Olimpiese Spele van 2020 in Tokio kan verower.

Die Sharks het al vyf sy SA Skole-spelers JJ van der Mescht (slot), Pepsi Buthelezi (agtsteman), Dylan Richardson (flank), Fezokuhle Mbatha (haker) en Sanele Nohamba (skrumskakel) behou. Die unie het ook daarin geslaag om Muller du Plessis (Paarl Gimnasium) en Vian Fourie (Hoër Jongenskool Paarl) na die Hawestad te lok. Du Plessis het glo ook aanbiedinge vanuit Australië ontvang.

Buiten Fourie sal nog drie van die land se voorste skolespan, Paarl Boishaai, se spelers – Le Roux Malan (senter), Boeta Chamberlain (losskakel) en Thakier Abrahams (vleuel) ook na Durban verhuis.

NewsGChristopherSchreuderDie Sharks het ook sy stutspens behoorlik aangevul met aanwinste soos Francois Klopper (Voortrekker), Sean Barnes (Durban High School) en Adriaan Staples (Paarl Gimnasium). Klopper is na afloop van vanjaar se Blou Bulle Prestige-aand op Loftus Versfeld as die speler van die dag met ‘n beurs beloon. Wat die toekenning uniek maak is die feit dat die vaskopstut met sy vertoning beïndruk het op ‘n dag waar spanne aangemoedig word om die bal lug te gee. Geen stelskoppe word op die dag geneem nie.

Gepraat van die Blou Bulle. Hulle het weer ‘n groot groep spelers na die Jakarandastad gelok, maar slegs Stephan van der Bank (Nelspruit, losskakel) en Andrew Kota (Welkom-Gimnasium, heelagter) het vanjaar die SA Skole-span gehaal.

Die werwing van spelers soos Ruben Beytell (EG Jansen, losskakel), Jay-Cee Nel (Oakdale Landbou, enter), PJ Jacobs (Monument, agtsteman), Dylan Kruger (Glenwood, flank), Dandré Prinsloo (Monument, heelagter) en CJ Steinhobel (Garsfontein, stut) behoort egter in die toekoms vrugte af te pluk.

Die Westelike Provinsie het daarin geslaag om Grey-kollege van Bloemfontein se voorste spelers na die Moederstad te lok. Drie van die vier SA Skole-spelers wat volgende jaar in ‘n Streeptrui in aksie sal wees – Rikus Pretorius (senter), Ru-hann Greyling (haker) en Christopher Schreuder (losskakel) het vanjaar vir Grey gespeel. Die ander SA Skole-speler is Paarl Gimnasium se agtsteman, Henco Martins.

Paarl Boishaai se kaptein en agtsteman, Francke Horn, wat vanjaar die Cravenweek weens siekte misgeloop het, sal ook sy rugbyloopbaan by die WP volgende jaar voortsit.

Die Vrystaat se werwer, Melusi Mthethwa, het met sy beperkte begroting weer ‘n uitstekende taak verig. Veral die kopies van Charles Williams (Diamantveld, losskakel), Eric Myburgh (Paarl Boishaai, skrumskakel), Waqar Solaan (Grey PE, senter), Ruben Roodt (Garsfontein, flank), James-Henry Mollentze (Outeniqua, losskakel) en PJ Krugell (Waterkloof, vleuel) behoort die Vrystaters van ‘n paar nuwe helde te verskaf. 

Wie gaan waarheen? 

Bulle (2) Leeus (8) WP (4) Sharks (7) Vrystaat (0)
PJ Jacobs Mark Snyman Rikus Pretorius JJ v/d Mescht Charles Williams
Ruben Beytell Janco van Heyningen Duren Hoffman Kieran Houlston Renier van Zyl
Stephan v/d Bank Wesley Thompson Ru-hann Greyling Jason Raubenheimer Eric Myburgh
Luke Rossouw David Cary Christopher Schreuder Pepsi Buthelezi Luka Ferreira
Cornell Korff Keegan Glade David Kriel Muller du Plessis Andre Hanekom
Jay-Cee Nel Travis Gordon Francke Horn Philip van Dyk Jacques van Biljon
Muzi Nyakane Kennedy Mpeku Marcel Theunissen Le Roux Malan Le Kleu Stokes
Marnus Potgieter Yanga Hlalu Quan Eymann Ruan Oosthuizen Viaan Wolmarans
Andrew Kota Christopher Havenga Cornel Kotze - Maties Vian Fourie Waqar Solaan
Dandre Prinsloo Dameon Venter Divan Enslin Dylan Richardson Ayabonga Matroos
Franco van Eeden Tinus Combrinck Dian Bleuler Francois Klopper Nyiko Ntlemo
Zach Briel Jonathan Viljoen Henco Martins Boeta Chamberlain Bernard Vermaak - UV
Charles Goedhals Chris Rossouw Thakier Abrahams Elrich Louw
Lloyd April Edmund Ludick Tristan Leitch Caylib Dingaan Gideon van Niekerk
JP Viviers Asenathi Ntlabakanye Liam van den Berg Fezokuhle Mbatha Janus Venter
Romeo Eksteen Ruben Kotze Gerado Jaars Siphamandla Matsinya Mvuzo Nhlozi
Johan Mulder Ewan Visser Alexander Mbete Sanele Nohamba  Ruben Roodt
Ruhan Viviers Giovan Snyman Vusile Dlepu Sean Barnes  Johan Wilken
Philip Potgieter Ulrich Maritz Abner van Reenen Henk Cilliers  JH Mollentze
Jaco Labuschagne Tiaan Drotskie David Coetzer Adriaan Staples  PJ Krugell
Edward Laubscher JW Meades Angelo Davids  Cham Zondeki
Dylan Kruger Ian Kitwanga
Carson Koekemoer Gerrit Visser Jean Louis de Lange
Jonathan O’Neill Michael Goodhal
Janko Swanepoel Nkosi Masuku 
Louis Meiring Cristen van Niekerk
Justin Sadie  Prince Nkabinde
Steven Billings  Cal Smid
Keanu Prinsloo  Hendrik Smit
CJ Steinhobel
Stephan Leonard
Johan van Zyl
Marno Beyl
James Combrinck
Wian Bezuienhoudt
Nicko Laubscher
Henco van Heerden
Adriaan Ludick – u19

Comments  

 
0 #1 Tussen die lyne 2017-11-07 19:05
WP het puik groep jong spelers geteken. Lyk my die Bulle dink jy moet baie teken en dan moet 6 van die spelers losskakels wees.
 

You have no rights to post comments