Share

Indien die Noordvaal Virsekerbeker vanjaar in ‘n ander skool se trofeekaas as Monument van Krugersdorp, Garsfontein van Pretoria of Dr EG Jansen van Boksburg staanplek kry sal dit ‘n groot verrassing wees.

Monument sal in die kwarteindronde van die kompetisie teen HTS Middelburg se Rooi Bulle te staan kom. Dit sal die derde keer vanjaar wees dat die twee spanne mekaar op die rugbyveld ontmoet. Monnas se Wit Bulle het die eerste wedstryd tydens die twee spanne in die Tuks-reeks naelskraaps met 14-12 gewen. Die twee spanne se tweede ontmoeting was tydens Kearsney College se Paastoernooi net buite Durban wat Monnas op ‘n meer gerieflike wyse met 40-8 gewen het.

Monnas het vanjaar nog net teen Eldoraigne (22-27) en Boland Landbou (22-24) die onderspit gedelf.

Die Pumas se kampioen, die Hoërskool Nelspruit, sal in die kwarteindronde teen Menlopark kragte meet. Die Rhinos van Nelspruit was in 2014 die Makroskole-kampioen.

Al die rolspelers in vanjaar se uitspeelwedstryde vir die Virsekerbeker vir Makroskole is bekend. Marais Viljoen sal eerskomende Saterdag teen Centurion sake uitspook. Die wenner van die wedstryd sal teen EG Jansen in die kwarteindronde speel.

In nog ‘n uitspeelwedstryd Saterdag sal die Hoërskool Kempton Park teen Eldoraigne uitdraf.
Indien Kempies die wedstryd wen sal hulle die verdedigende kampioen, Hoërskool Garsfontein se Bere, in die kwarteindronde te staan sal kom.

Garsfontein het in 2015 en 2016 die titel verower en het EG Jansen in verlede jaar se eindstryd met 32-28 met die Jong Bokkie-skrumskakel, Embrose Papier, aan die spits verslaan.

Die Pumas se kampioen, die Hoërskool Nelspruit, sal in die kwarteindronde teen Menlopark kragte meet. Die Rhinos van Nelspruit was in 2014 die Makroskole-kampioen.

31392 VS SCHOOL OF RUGBY HEADER v1

You have no rights to post comments