Gaan Minnie se Bloudruk genoeg wees vir Diamonds om septer te swaai

Written by Hannes Nienaber

NewsGMorneMatthewson School of Rugby | Gaan Minnie se Bloudruk genoeg wees vir Diamonds om septer te swaai - School of RugbyDie tafel is gedek vir ‘n opwindende interskole tussen Noord-Kaap en Diamantveld in Kimberley. Die kragmeting is ‘n FNB Classic Clash en word saam met al die wedstryde op die A-veld regstreeks via Diamantveld TV op DigiTV.co.za uitgesaai.

Albei spanne se afrigters sou na die eerste dag van die Wildeklawer-toernooi gevoel het dat hulle op ‘n goeie plek is, maar pakslae op die laaste dag sou albei weer terug aarde toe gebring het.

Diamantveld het in ‘n opwindende openingswedstryd die knie net-net teen ‘n gedugte Stellenberg (19-22) gebuig. Noord-Kaap het in sy eerste wedstryd ‘n roemryke sege van 34-33 oor Helpmekaar-kollege behaal.

Die Hoërskool Outeniqua se afrigter, Abré Minnie, het ‘n reuse guns aan Diamantveld se afrigter, Jaco Dames, bewys. Minnie het vir Dames in sy span se sege van 50-7 oor Noord-Kaap presies gewys hoe jy te werk moet gaan om Northerns se gevaarlikse agterhoede hok te slaan.

Griekwas se voorlopige Cravenweek-span se agterlyn bestaan uit Northerns se agterlyn, terwyl meeste spelers in die Poubloues se agttal gewoontlik in ‘n hemelblou-trui uitdraf.

Diamantveld se sukses sal afhang of sy kaptein en agtsteman, Stefan Swart, sy troepe binne die spelpatroon kan hou. Hy sal ook met sy kraglopies moet sorg dat sy span gereeld die voordeellyn oorsteek.

Northerns se gevaarlike heelagter en kaptein, Elzandro Fredericks, sal hok geslaan moet word indien Diamonds ‘n sege wil behaal. Die regtervleuel, Jacquin van Wyk, beskik oor hope vaart en het vanjaar die 100m vanjaar al in 10.66 sekondes afgeblits.

Al die netbalwedstryde van die interskole op Baan A word ook regstreeks op DigiTV.co.za gebeeldsend. 

Die spanne is:

Hoërskool Noord-Kaap: 15 Elzandro Fredericks, 14 Jacquin van Wyk, 13 Keano Windvogel, 12 Jesse-Owen Denation, 11 Moemagare Molete, 10 Seanrique Daniels, 9 Alnino Lorten, 8 Jessie Bester, 7 Kayle Maritz, 6 Duvan van der Merwe, 5 Jean Engelbrecht, 4 Franco Stassen, 3 Jessy Thomas, 2 Devin Steenkamp, 1 Tlotlo Mokomele. Plaasvervangers: 16 Ryno Rinkwest, 17 Elrique Davids, 18 Ashraaf Muhammed, 19 Bradley Human, 20 Corné du Plessis, 21 Revano Muller, 22 Johan Oberholzer, 23 André Hanekom.

Hoërskool Diamantveld: 15 Keenan Beckett, 14 Charl Burger, 13 Hugh Murray, 12 Sean Harding, 11 Cole Arnoldus, 10 Morné Matthewson, 9 Dennie Ludick, 8 Stefan Swart, 7 Ryno van Rensburg, 6 Sello Maketlo, 5 Niel Swartz, 4 Llewellyn Stadler, 3 Rudolph Steinmann, 2 Louis Vermeulen, 1 Anrich Rosenstrauch. Plaasvervangers: 16 Jan Potgieter, 17 Janrico Malan, 18 Jayden van Rooyen, 19 Jano Badenhorst, 20 Hennie Ludick, 21 Shakeel Rosen, 22 Brendon Greyling, 23 Danie Botha.

Skeidsregter: Jaco Kotze (Free State Referees Association)

Vorige Uitslae:

 
2018 Diamantveld 22 Noord-Kaap 16
2017 Noord-Kaap 26 Diamantveld 19
2016 Noord-Kaap 32 Diamantveld 17
2015 Diamantveld 16 Noord-Kaap 10
2014 Diamantveld 24 Noord-Kaap 12
2013 Noord-Kaap 27 Diamantveld 19
2012 Noord-Kaap 22 Diamantveld 15
2011 Noord-Kaap 27 Diamantveld 20
2011 Noord-Kaap 44 Diamantveld 7
2010 Noord-Kaap 21 Diamantveld 12
2009 Noord-Kaap 24 Diamantveld 13
2008 Noord-Kaap 27 Diamantveld 24
2007 Diamantveld 28 Noord-Kaap 0
2007 Diamantveld 17 Noord-Kaap 11
2006 Diamantveld 48 Noord-Kaap 16
2006 Noord-Kaap 11 Diamantveld 10
2005 Diamantveld 26 Noord-Kaap 18
2004 Noord-Kaap 13 Diamantveld 10
2004 Noord-Kaap 22 Diamantveld 20
2003 Diamantveld 24 Noord-Kaap 22
2003 Noord-Kaap 18 Diamantveld 13

[powr-comments id="7d0b290b_1557492626559"]

X

Function disabled

Right click disabled - please refresh page to continue.